Almatyda aıaldamaǵa soǵylǵan kólik júrgizýshine taǵylǵan aıyp aýyrlaı tústi
ALMATY. QazAqparat - Almatyda «Toyota Corolla» kóliginiń avtobýs aıaldamasyna soǵylýy saldarynan taǵy bir áıel qaza boldy, dep habarlaıdy QazAqparat tilshisi.
Qalalyq Polıtsııa departamentiniń resmı ókili Saltanat Ázirbektiń aıtýynsha, jol apaty 16 naýryzda Medeý aýdanynda bolǵan.
Tátibekov kóshesimen shyǵysqa bet alǵan Toyota Corolla júrgizýshisi kólikti basqara almaı qalyp, Reno Duster kóligine soǵylǵan bolatyn.
Sosyn ekpinimen kelip aıaldamadaǵy úsh adamdy qaǵyp, jekemenshik úıdiń qorshaýyn qıratyp toqtaǵan.
Oqys oqıǵa saldarynan aıaldamada turǵan 31 jastaǵy áıel qaıtys bolǵan edi.
Qalalyq polıtsııanyń resmı ókili Saltanat Ázirbektiń aıtýynsha, osyǵan baılanysty QR QK 345-babynyń 3-bólimi negizinde qylmystyq is qozǵalǵan bolatyn. Bul bir adamnyń ólimine ákelgen jol apatyn jasady degendi bildiredi.
«Kelesi kúni aıaldamada turǵan taǵy bir áıel qaıtys boldy. Sondyqtan polıtsııa atalǵan istiń babyn aýystyrdy. Endi júrgizýshi QR QK 345-babynyń 4-bólimimen aıyptalyp otyr. ıAǵnı, 2 nemese odan kóp adamnyń ólimine ákelgen jol apatyn jasady degen aıyppen 29 jastaǵy jigit qazir ýaqytsha oqshaýlaý ornynda otyr. Tergeý jalǵasyp jatyr», - dedi PD jergilikti polıtsııa qyzmetiniń ókili Erik Nasyrbekov.
