Almatyda aıaldama men avtobýstarǵa vıdeokameralar ornatý usynyldy
ALMATY. QazAqparat - Almatyda polıtsııa qyzmetkerleri aıaldamalar men qoǵamdyq kólik salondaryna vıdeokameralar ornatýdy usynýda, dep habarlaıdy QazAqparat tilshisi.
«Qylmystyń 60% - y urlyq. Desekte, páter urlyǵy 46,4% -ǵa, avtomobıl urlyǵy - 3,5 esege, kólik salonyn tonaý - 2,4 esege, búıir aınalardy urlaý - 4,2 esege azaıdy», - dedi Almaty polıtsııa departamentiniń bastyǵy Qanat Taımerdenov brıfıng barysynda.
Onyń aıtýynsha, krımınaldyq polıtsııa qyzmetkerleriniń 70% -y urlyqty ashýǵa jumyldyrylǵan. Urlanǵan múlikti satyp alýshylarǵa qatysty tıisti sharalar qoldanylyp jatyr.
Sonymen qatar, spıker urlyqtyń 25% -y qoǵamdyq kólikterde nemese aıaldamalarda jasalatyndyǵyn atap ótti.
«Qalada 2 myń aıaldama pýnkti bar, onda beınebaqylaý kameralary joq. 1771 qoǵamdyq kólik bar. Olar da tolyqtaı beınebaqylaýmen jabdyqtalmaǵan», - deıdi Qanat Taımerdenov.
Urlyqtyń aldyn alý jáne azaıtý mausatynda polıtsııa ákimdikpen birlesip, aıaldamalar men qoǵamdyq kólik salondaryna beınebaqylaý kameralaryn ornatýdy kózdep otyr. Bul qalta urylaryn tez anyqtaýǵa múmkindik beredi.
Almaty qalalyq polıtsııa departamentiniń málimetinshe, jalpy megapolıstegi qylmys 44 % -ǵa tómendegen.
