Almatyda aıaldama keshenderi standarttalady
Shahar basshysymen kezdesýge kelgen Áýezov aýdanynyń turǵyny qaladaǵy aıaldamalar máselesin kóterdi.
«Ál-Farabı dańǵylynda aıaldamalardyń ataýy jazylyp turady. Bul jolaýshylar úshin óte yńǵaıly. Al basqa kóshelerde olaı emes. Barlyq aıaldamalarda jazylyp tursa degen ótinish bar. Adam soǵan qarap, qaı jerge jetkenin túsinedi», - dedi Almaty turǵyny.
Erbolat Dosaev ál-Farabı dańǵylyndaǵy aıaldama keshenderi jeke ınvestorlardyń esebinen jasalǵanyn aıtty.
«Durys aıtasyz. Bizdiń qalada, ókinishke oraı, aıaldamalar standarttalmaǵan. Biz qalanyń dızaın-kod jobasyn damytyp jatyrmyz, sonyń ishinde aıaldamalar da bar. Benchmark alamyz. Kelesi jyldan bastap bul máseleni retke keltiremiz. Aıaldamalarda standarttalǵan zattar bolady: ataýy, baǵyty jáne taǵy basqasy 2023 jyldyń 1 qańtarynan bastap, biz bul jaǵdaıdy ózgerte bastaımyz dep úmittenemiz», - dedi Erbolat Dosaev.
