Almatyda «Aıala» qaıyrymdylyq qory perzenthanaǵa 5 mıllıon teńge kóleminde kómek kórsetti
ALMATY. Sáýirdiń 27-si. QazAqparat /Názıra Eleýhan/ - Búgin Almatyda «Aıala» qaıyrymdylyq qory №3-shi qalalyq perzenthanaǵa 5 mıllıon teńge kólemindegi medıtsınalyq qural-jabdyqtardy kómek retinde tabystady,
dep habarlaıdy QazAqparat.
«Jańa týǵan náreste boıyndaǵy ár túrli aýrýlardy der kezinde erte emdeý mańyzdy ekeni belgili. Bizdiń qaıyrymdylyq qor osy maqsatta týa bitken patologııany erte anyqtaý úshin perzenthanaǵa zamanaýı rentgen apparatyn jáne rentgen sýretin shyǵaratyn protsessordy tabystap otyr. Bul jabdyqtar ortalyqtaǵy jetekshi dárigerlerge kómek berip, qalamyzdaǵy júzdegen bala ómirin saqtaýǵa kómegi tıer degen úmittemiz», dedi «Aıala» qaıyrymdylyq qory prezıdentiniń keńesshisi Jangeldi Sársenov.
