Almatyda aıaǵy aýyr kelinshek kóshede bosanyp qaldy
ALMATY. QazAqparat - Almatyda aıaq asty tolǵaǵy kelgen kelinshek kóshede bosanyp qaldy. Ol perzethanaǵa jetip úlgermedi, dep habarlaıdy QazAqparat tilshisi.
Almaty qalalyq qoǵamdyq densaýlyq saqtaý basqarmasy túsindirgendeı, kelinshektiń kóshede bosanyp qalýynyń sebebi - medıtsınalyq kómekke ýaqtyly júginbegen.
«Almatylyq áıel óz ýaqytynda medıtsınalyq kómekke júginbedi. Jaǵdaıyna mán bermegen. Jedel járdem qyzmetimen olar aýrýhanaǵa jetkizildi. Qazirgi ýaqytta ana men náresteniń jaǵdaıy qanaǵattanarlyq dep baǵalanady», - dep habarlady vedomstvodan.
Abyroı bolǵanda, qalalyq №16 emhananyń akýsher-gınekology kelinshektiń tolǵaǵy kelgen ýaqytta sol mańnan ótip bara jatqan.
Ol der kezinde kómekke kelip, balany aman-esen bosandyryp alǵan.
