Almatyda aı saıyn dabyl qosylyp, habarlaý júıesi tekseriledi - qalalyq TJD
ALMATY. QazAqparat - Budan bylaı Almatyda ár aıdyń alǵashqy beısenbisinde elektr sırenasy qosylyp, biryńǵaı habardar etý júıesiniń tehnıkalyq daıyndyǵy tekserilip turatyn bolady. Bul týraly búgin Almaty qalalyq Tótenshe jaǵdaılar departamentiniń baspasóz qyzmeti habarlady.
«Almaty qalalyq TJD 2016 jyldyń 14-qańtarynda jergilikti ýaqyt boıynsha 12 saǵat 55 mınýtta habardar etý júıesiniń tehnıkalyq daıyndyǵyn tekserýdi josparlap otyr», - delingen habarlamada.
Tekserý boıynsha elektr sırenasyn qosý arqyly «Barlyqtaryńyz tyńdańyzdar» dep atalatyn biryńǵaı habarlandyrý dabyly qaǵylady. Bir mezette avtomatty túrde teledıdar jáne radıo arnalary qamtylyp, turǵyndar habardar etý júıesiniń daıyndyǵynyń tekserilip jatqany jaıly qulaǵdar etiledi.
Bul rette Tótenshe jaǵdaılar departamenti turǵyndardy úreılenbeýge shaqyrady.
Budan keıin, tekserýler aldaǵy ýaqytta aı saıyn alǵashqy beısenbi kúni kúndiz 12 saǵat 55 mınýtta júrgizilip turatyn bolady. Bul kún merekelik kúnge sáıkes kelip qalǵan jaǵdaıda, tekserý kelesi aptanyń beısenbisine aýystyrylady.
