Almatyda avtoturaq úshin SMS tólem toqtatyldy
ALMATY. QazAqparat - Almatyda avtoturaqqa mobıldi teńgerimen jasalatyn tólem ýaqytsha toqtatyldy, dep habarlaıdy QazAqparat tilshisi.
«Dostar, biz sońǵy jyly uıaly baılanys operatorlary tarapynan SMS tólemderin óńdeý kezinde tehnıkalyq qatelikter kóbeıgenin baıqadyq. Sonymen qatar, SMS tólemderi keshiktirilip óńdeledi jáne bul tólemniń serverde durys rásimdelmeýine jáne aıyppulǵa ákelýi múmkin «, - dep habarlady Almaty Parking kompanııasy.
Almaty Parking kompanııasy tehnıkalyq máselelerdi sheshý úshin jáne tólem júıesin ońtaılandyrý maqsatynda SMS tólemdi ýaqytsha toqtatty.
Avtokólik ıeleri turaq aqysyn parkomatpen nemese «Parkıng Almaty» mobıldi qosymshasy arqyly tóleı alady.
