Almatyda avtosporttan jyldam mánerlep júrgizýden el chempıonatynyń 2-kezeńi ótedi
ALMATY. 13 shilde. QazAqparat /Erlik Erjanuly/ - Almatyda 17 shilde kúni avtosporttan jyldam mánerlep júrgizýden Qazaqstan chempıonatynyń 2-kezeńi ótedi. Ony QR Avtomotosport federatsııasy men qalalyq týrızm jáne sport basqarmasy birigip uıymdastyryp otyr.
Alǵashqy kezeń buǵan deıin 4-5 maýsym kúnderi Astanada ótken bolatyn. Ol "Balalardy qorǵaý kúnine" arnalyp "QazMunaıGazónimderi" AQ-nyń júldesi sarapqa salynǵan bolatyn. Ony QR Avtomotosport federatsııasy Astana qalasynyń týrızm jáne sport basqarmasymen birlesip uıymdastyrǵan edi. Onda sportshylar aldymen ákimshiliktik, medıtsınalyq jáne tehnıkalyq baqylaýlardan ótedi. Sodan keıin avtomobılderdiń 2 klasy boıynsha jattyǵýlyq jáne baqylaýlyq júrister jasalyp, aqtyq synǵa shyǵatyn 16 úmitker tańdap alynady. Negizgi synda árbir klass boıynsha 1-4 oryn alǵan avtoshabandozdar estelikke dıplommen jáne medaldarmen marapatalady. Sondaı-aq jalpy esepte úzdik shyqqan jeńimpaz arnaıy Kýbokty ıelenedi.
