Almatyda avtorlyq quqyqty qorǵaý men qaraqshylyq ónimderdi anyqtaýǵa arnalǵan shara ótip jatyr
ALMATY. Naýryzdyń 3-i. QazAqparat /Erbol Azanbek/ - Almatyda «Kontrafakt» degen avtorlyq quqyqty qorǵaý men zańsyz ónimderdi anyqtaýǵa arnalǵan jedel-saýyqtyrý sharasy ótkizilip jatyr,
dep habarlaıdy QazAqparat.
«Bul sharanyń maqsaty - aqparattyq tehnologııalardy paıdalaný arqyly jasalǵan qylmystardyń aldyn alý jáne ashý. Osyǵan deıingi tájirıbe kórsetkendeı, bul salada zań buzýshylardyń barlyǵy syrttan keletinder. Olar jalǵa alynǵan bólmeler men jertólelerde zańsyz ónimder jasap, satýmen shuǵyldanady», deıdi Almaty qalalyq ІІD-niń krımınaldyq polıtsııa basqarmasynyń «K» bóliminiń bastyǵy, maıor Aleksandr Nejınskıı. Onyń aıtýynsha, shara barysynda barlyq bazarlar men saýda oryndary tekserilýde. Ol óz nátıjesin berýde. Máselen, bir kúndik shara aıasynda aınalymnan 2 myń dana zańsyz taýar tárkilenip, avtorlyq menshik quqyǵyn buzýdyń 8 faktisi anyqtalǵan. Jyl basynan beri zańsyz aınalymnan 19 myń qaraqshylyq taýar tárkilengen.
