Almatyda avtokólikterin gazben júrýge laıyqtaǵysy kelgenderge shaǵyn nesıe beriledi - A.Esimov
ALMATY. 13 sáýir. QazAqparat /Erbol Azanbek/ - Almatynyń avtokólikteri jappaı gazǵa kóshirile bastaıdy. Bul týraly búgin QR Úkimetiniń basshysy Kárim Másimovtyń qatysýymen qala ákimin taǵaıyndaý úshin ótken kezektan tys máslıhat otyrysy barysynda Ahmetjan Esimov aıtty.
«Almatynyń ekologııalyq ahýalyn jaqsartý basty maqsatymyz. Bul rette gazben júretin qoǵamdyq kólikter alynýda. Jekemenshik kólikterdiń de gazben júrýin qamtamasyz etý úshin olarǵa shaǵyn nesıe berýdi júzege asyrmaqpyz. Qazirgi kezde «Almaty» ÁKK-na qarjy bólindi. Olar tarapynan shaǵyn nesıe uıymy qurylyp, kóligin gazben júrýge jabdyqtaýǵa nıet bildirgenderge nesıe bere bastaıdy. Bul arqyly biz kólikterdi gazben júrýin qamtamasyz etip, qalanyń ekologııalyq ahýalyn jaqsartýǵa múmkindik alamyz», - dedi qala ákimi. Onyń aıtýynsha, kólikter qala ekologııasynyń buzylýyna basty sebepker bolyp otyr. «Kásiporyndardan shyǵatyn qaldyq ekologııaǵa az ǵana mólsherde áser etýde. Ekologııaǵa áseri bar shaǵyn sektordy gazdandyrý máselesi aldaǵy 2 jylda aıaqtalady. Sondaı-aq JES-1 bıyl tolyq gazǵa kóshedi»,- dedi ákim.
