Almatyda avtokólikten 5,5 mıllıon teńge jymqyryp ketken Reseı azamaty quryqtaldy

Bul týraly búgin aptalyq brıfıngte ІІM Til saıasaty jáne aqparat departamentiniń bastyǵy Qýanyshbek Jumanov málim etti.

Onyń sózine qaraǵanda, Almatynyń polıtsııa bólimine 40 jastaǵy jergilikti turǵyn belgisiz adamdardyń onyń avtokóliginiń ishinen 5,5 mln. teńgeni urlap ketkeni týraly aryzdanǵan. Atap aıtqanda, jábirlenýshi bankten aqshany alyp, óz avtokóligimen jumys ornyna qaraı bet alǵan. Kúdikti kólik ıesin bankten aqsha alǵan sátten bastap ańdyp, onyń kóliginiń dóńgelegin qasaqana tesý áreketin iske asyrǵan. Orta jolda jábirlenýshi kólik dóńgelegin aýystyrý úshin toqtaǵan kórinedi. Osy sátti paıdalanyp, kúdikti kólik esigin ashyp, aqshany jymqyryp ketken.

«Polıtsııa qyzmetkerleri Almatyda ýaqytsha turatyn Reseı azamatyn quryqtady. Odan urlanǵan aqshanyń bir bóligi tabyldy»,- dedi Q. Jumanov. Qazirgi kezde onyń osyǵan uqsas ashylmaǵan basqa da qylmystarǵa qatystylyǵy tekserilýde.