Almatyda avtokólikke shabýyl jasaǵan qylmysker ustaldy
ALMATY. Qańtardyń 22si. QazAqparat / Ádilet Musahaev / - Avtokólik júrgizýshisine shabýyl jasaǵan qylmysker quryqtaldy,
dep habarlaıdy QazAqparat ІІD baspasóz qyzmetine silteme jasap.
Qańtardyń 20-sy kúni Almaty qalasy Áýezov aýdandyq jedel basqarma kezekshilik ortalyǵyna «Toıota Lend Krýzer-100» avtokóliginiń júrgizýshisine shabýyl jasalǵandyǵy týraly aqparat túsken. Jábirlenýshiniń aıtýynsha, kólik ishine basa-kóktep kirgen eki beıtanys adam pyshaqpen qorqytý arqyly kólikti aıdap ketpek bolǵan.
Qylmys oryn alǵan jerge jedel jetken «Býran» sholǵynshylary seziktilerdiń baǵytyn boljap, jaqyn aımaqtardy tekserýge kirisedi. Kóp uzamaı qylmys bolǵan jerdiń mańynan shabýyl jasaýshynyń biri quryqtalǵan. Qylmyskerdi ustaý barysynda ol tártip saqshylaryna qarsylyq kórsetken.
Ustalǵan Jarkent qalasynyń turǵyny bolyp shyqqan. 27 jasar jigit esh jerinde jumys istemegen, ári turǵylyqty turatyn jeri de bolmaǵan.
Sýyq qarý túrindegi aıǵaqty zatpen QR QK 179 babyna sáıkes qaraqshylyq shabýyl jasaý boıynsha oǵan qatysty qylmystyq is qozǵalyp otyr.
Shabýyl jasaýshynyń aıtýynsha, ol buryndary qylmystyq jaýapkershilikke tartylmaǵan. Degenmende, saqshylar onyń Almaty men Almaty oblysy aýmaǵynda osyǵan uqsas qylmystarǵa qatysy barlyǵyn arnaıy derek qorlary boıynsha múltiksiz tekserýge nıetti.
Ekinshi seziktiniń kim ekeni de belgili boldy. Ol da Almaty oblysynyń turǵyny bolyp shyqty. Qazirgi ýaqytta saqshylar ony quryqtaý úshin barlyq múmkindikterin jumyldyrylýda.
