Almatyda avtokólik urlyǵy beınekameraǵa túsip qaldy

ALMATY. QazAqparat - Almatyda avtokólik urlyǵy beınekameraǵa túsip qaldy, dep habarlaıdy QazAqparat tilshisi Polisia.kz saıtyna silteme jasap.

Megapolıstiń beınebaqylaý júıesi 33 jastaǵy er adamnyń qylmysyn tirkedi.

«Birneshe kún buryn jergilikti turǵyn bizdiń bólimge aryzben júgindi. Ol túnde belgisiz bireý kóligine terezeni syndyryp kirip, qujaty men jeke zattaryn urlap ketkenin aıtty. Jedel-izdestirý is-sharalary barysynda kúdikti ustalyp, ýaqytsha ustaý ızolıatoryna qamaldy», – dedi Medeý aýdandyq polıtsııa basqarmasy bastyǵynyń mindetin atqarýshy Elnur Qudiretbaev.

Onyń aıtýynsha, bul kúdiktiniń jasaǵan jalǵyz qylmysy emes. Osyǵan baılanysty jedel qyzmetter onyń basqa da urlyqqa qatysy bar-joǵyn tekserip jatyr.