Almatyda avtokólik tonaýdy kásip qylǵan top qolǵa tústi
ALMATY. Shildeniń 9-y. QazAqparat /Erbol Azanbek/ - Almatyda avtokólikterdi tonaýmen aınalysqan qylmystyq top ustaldy,
dep habarlaıdy qalalyq ІІD-niń baspasóz qyzmeti.
Qylmystyq top 4 jigitten quralǵan. Olar Turǵyt Ózal kóshesinde «Folksvagen» avtokóliginiń tórt dońǵalaǵyn urlaý barysynda qolǵa túsken. Almaly aýdandyq jol polıtsııasy basqarmasynyń bastyǵy Talǵat Seıilhanovtyń aıtýynsha, tekserý barysynda olardyń sol túni Mersedes avtokóliginiń esigindegi perdesin sheship alǵany anyqtalǵan.
«Tórt kúdikti de 19 jasta, buǵan deıin qylmystyq jaýapkershilikke tartylmaǵan. Turaqty jumysy bolmaǵandyqtan qylmystyq jolmen aqsha tabýdy kózdese kerek. Qazirgi kezde olardyń basqa qylmystarǵa qatystylyǵy tekserilýde», deıdi polkovnık T.Seıilhanov.
