Almatyda avtokólik elektr baǵanyna soǵylyp, bir adam jaraqat aldy
ALMATY.QazAqparat-Almatyda «Golf» avtokóligi elektr baǵanyna soǵylyp, saldarynan jolaýshy jaraqat aldy, dep habarlaıdy QazAqparat tilshisi.
Oqıǵa Keńsaı aýdany mańynda bolǵan. Kýágerlerdiń aıtýynsha, Golf avtokóligi soltústik baǵytqa qaraı tómenge túsip kele jatqan. Tizginge ıe bola almaǵan avtokólik júrgizýshisi elektr baǵanyna soǵylǵan. Soqqynyń saldarynan elektr baǵany qısaıyp, kólik ishindegi jolaýshy áıel jaraqat aldy. Avtokólik ıesi din aman, jolaýshy aýrýhanaǵa jetkizildi. Oqys oqıǵanyń jaı-japsaryn tártip saqshylary anyqtap jatyr.
