Almatyda avtokólik birneshe adamdy qasaqana qaǵyp ketti
ALMATY. QazAqparat – Áleýmettik jelide kóliktiń birneshe adamdy qaǵyp ketken vıdeosy jarııalandy, dep habarlaıdy QazAqparat tilshisi.
Qazir vıdeo jelide tarap jatyr.
Beınetaspada bir top jigitterdiń eki kóliktiń júrgizýshilerimen janjaldasqanyn kórýge bolady. Aq tústi avtokóliktiń júrgizýshisi eregeskenderdiń bireýin qaǵyp kete jazdaıdy. Al qara tústi kóliktiń júrgizýshisi qasaqana úsh adamdy qaǵady. Sondaı-aq, jigitterdiń biri qolyna avtokólik nómirin ustaǵan. Onda Almaty óńiriniń 02 jazý bary anyq baıqalady.
Oqıǵa Almatyda tańǵy tórt shamasynda bolǵan.
Osy oqıǵaǵa qatysty Almaty qalalyq polıtsııa departamenti túsinikteme berdi.
«Bul fakt sotqa deıingi tergeýdiń biryńǵaı tizilimine alyndy. QR QK úsh baby boıynsha qylmystyq is qozǵaldy. Bostandyq aýdandyq polıtsııa bóliminde terrıtorııalyq jaǵynan, sondaı-aq PD tergeý bóliminde tergelýde. Kúdiktiler anyqtaldy, qazir olardy ustaýǵa jáne kólikti tárkileýge baǵyttalǵan jedel-izdestirý sharalary kesheni júrgizilýde»,-dedi poltsııanyń baspasóz qyzmeti.
