Almatyda avtobýstyń jolymen júrgen 400 júrgizýshige aıyppul salyndy
ALMATY. QazAqparat - Almatyda qoǵamdyq kólik qozǵalysyna arnalǵan «Jolaq» borttyq júıesi engizilgen bolatyn. Qazir avtobýs jolaǵyna shyqqan júrgizýshilerge aıyppul salynyp jatyr, dep habarlaıdy QazAqparat tilshisi.
«Jolak» borttyq júıesi 50 avtobýsty qamtyp otyr. Qalalyq qoǵamdyq kólikterge 100 kamera ornatyldy. Sol arqyly jol qozǵalysy erejelerin buzǵan júrgizýshilerdi anyqtaýǵa bolady. Atalmysh qurylǵy avtomatty túrde sýret pen beınetaspaǵa túsiredi.
«Jolaq» júıesi engizilgenen beri 406 júrgizýshi ákimshilik jaýapkershilikke tartyldy. Aıyppul somasy 2 mln teńgeden asady.
