Almatyda avtobýstyń soǵylýynan 7 adam japa shekti

Qalalyq Densaýlyq saqtaý basqarmasy habarlaǵandaı, oqıǵa ornyna jedel jərdem qyzmetiniń 5 brıgadasy shyqqan.

«Eki bala Shuǵyl medıtsınalyq kómek ortalyǵyna jetkizildi. Olarǵa qajetti kómek kórsetilgen soń úılerine jiberildi», - dedi baspasóz qyzmetinen.

Taǵy eki adam Shuǵyl medıtsınalyq kómek aýrýhanasy men ortalyq klınıkalyq aýrýhanaǵa jetkizildi. Dəriger qaraýynan soń olar da ambýlatorııalyq em alýǵa úıine baǵyttaldy.

Qalǵan 3 patsıent qaladaǵy Almaty oblystyq aýrýhanasyna jetkizildi.

«Japa shekkenderge jeńil dərejedegi zaqym kelgen. Olardyń tize, mańdaı tustaryna soqqy tıgen eken»,- dep habarlady baspasóz qyzmetinen.

Eske sala ketsek, Seıfýllın men Tobaıaqov kósheleriniń qıylysynda eki avtobýs soqtyǵysqan bolatyn.