Almatyda avtobýstyń artyna jabysyp alǵan er adam vıdeoǵa túsip qaldy
ALMATY. QazAqparat – Almaty polıtsııasy avtobýstyń artyna jabysyp alyp, jol júrgen almatylyqty izdestirip jatyr, dep habarlaıdy QazAqparat tilshisi. Vıdeo áleýmettik jelide taraǵan bolatyn.
Beınerolıkte er adamnyń qoǵamdyq kóliktiń artyna mingesip, alyp bara jatqany kórsetiledi.
Onyń áreketi kópshiliktiń qyzý talqysyna tústi. Bireýler tegin júrýdiń aılasy dese, basqalar bul júristiń qaýipti ekenin aıtady.
«Avtobýstyń artyna mingesken jolaýshy jol erejesin óreskel buzǵan. Bul adamnyń ózine de tikeleı qaýip tónip tur. Basqa da jol qozǵalysynyń qatysýshylaryna apatty jaǵdaı týdyrady. Bul úshin jaýapkershilik qarastyrylǵan. Qazir jergilikti polıtsııa qyzmeti bul derekpen aınalysyp jatyr», - dedi qalalyq Polıtsııa departamentiniń resmı ókili Saltanat Ázirbek.
