Almatyda avtobýstarǵa tegin aýysyp miný qashan júzege asady
Shahar basshysymen kezdesýge kelgen Almaly aýdanynyń turǵyny ákimnen qoǵamdyq kólikterge qatysty jańa tarıf týraly surady.
«Siz Prezıdentpen kezdesýde «Onaı» iske qosylǵan sátten bastap almatylyqtarǵa ýáde etilgen ekinshi kólikke tegin aýysyp otyrýǵa múmkindik beretin jańa tarıftik tólem engiziletinin aıttyńyz. Ol qalaı qalaı júzege asady jáne tasymaldaýshylarǵa beriletin sýbsıdııalar qanshalyqty ulǵaıady. Ákimdik bul aqshany qaıdan alady, bul neni únemdeıdi?»,- dep surady jergilikti turǵyn.
Erbolat Dosaev ázirge sýbsıdııalar týraly sóz qozǵalmaǵanyn jetikizdi.
«Sýbsıdııalar týraly áli sóz qozǵalǵan joq. Ózderińiz biletindeı, máslıhat tarıfti kóterý, ıaǵnı naryqtyq prıntsıpke kóshý týraly usynysymyzdy qoldady. Kerisinshe, mindetimiz – jyl saıyn tasymaldaýshylarǵa bóletin sýbsıdııalardy azaıtý. Aıdyń aıaǵynda jergilikti bıýdjetten bólinetin qarajatty kútip otyrmaı, táýelsiz bolýy úshin. Al Almaty qalasynyń bas jospary men kóliktik negizi jáne tarıftik mázir máseleleri qazir ázirlenip jatyr. Jyl aıaǵyna deıin tarıftik mázirdi qabyldaımyz, eger olar jol júrý kartasyn alsa nemese pass, onyń ishinde tegin avtobýstarǵa aýysyp miný tarıfi qamtamasyz etiledi dep boljanǵan», - dedi ákim.
Aıtýynsha, qazir kólik holdıngimen osy máseleni pysyqtap jatyr.
«Qazannyń aıaǵynda tarıftik mázirdi usynyp, qala turǵyndarynyń pikirin surap, ári qaraı bekitemiz dep oılaımyn»,- dedi Erbolat Dosaev.
Buǵan deıin Erbolat Dosaev Memleket basshysyna Almatyda LRT jáne BRT eskere otyryp, qoǵamdyq kólikte ekinshisine aýysyp otyrý tegin bolatynyn aıtqan edi.
