Almatyda avtobýstarǵa aqysyz aýysyp minýge bola ma
ALMATY.QazAqparat - Onay Pay kompanııasynyń dırektory Vladımır Smırnov avtobýstan avtobýsqa aqysyz aýysyp miný qarjylyq máselege tireletinin aıtty, dep habarlaıdy QazAqparat tilshisi.
«Eger ákimdik mundaı tarıfty qoldaıtyn bolsa, biz ony bir aıǵa shartty túrde engizemiz. Bir saǵat ishinde aqysyz jol júrýge shyǵynnyń 30 paıyzy jumsalady. Aı saıynǵy 1,5 mıllıardtyń jarty mılllıardyn kimnen alamyz? Tasymaldaýshylardan ba? Jeke bıznestiń jolaýshylardy aqysyz tasýy ekitalaı. Álde ákimdik esebinen be? Endeshe ákimdik qarjylyq jaǵdaıdy sheshýge tıis», - dep jaýap berdi V. Smırnov «QazAqparat» tilshisiniń joldaǵan saýalyna.
Onyń aıtýynsha, «Ońaı» júıesi mundaı tarıfterdi engizýge nıetti emes.
Búgin de Almatyda qoǵamdyq kólikterde dıfferentsııalyq tarıf engizilgen. «Ońaı» kartochkasy men habarlama arqyly 80 teńge, qolma qol 150 teńge tóleý kerek. Josparda qoǵamdyq transporttyq termınaldardy qaıtarý bar. Termınal arqyly tólegen jaǵdaıda jolaqysy burynǵydaı 150 teńge bolyp qala beredi.
