Almatyda avtobýstardyń sany 4 esege kóbeıedi
ALMATY. QazAqparat - Almaty ákimi Baýyrjan Baıbek qaladaǵy qoǵamdyq kólikterdiń sany 4 ese artatynyn málim etti, dep habarlaıdy QazAqparat tilshisi.
«Kólik salasynda júrgizilip jatqan reforma qalanyń jyljymaly quramyn 80%-ǵa jańartýǵa múmkindik berdi. Jyl sońyna deıin bul kórsetkishti 100 paıyzǵa jetkizemiz. Biraq, jol qozǵalysynyń belsendiligin eskere otyryp, jyljymaly quramdy 5 esege kóbeıtý oıda bar», - dedi Baýyrjan Baıbek.
Ákim jyl sońyna deıin 400 avtobýs satylyp alynatynyn aıtty.
Elektrobýstardy shyǵaratyn «FalconEurobus» zaýyty ashylady. BRT jelisiniń ashylýynyń arqasynda jolaýshylar jolǵa ketetin ýaqytyn únemdeýge múmkindik aldy.
Sonymen qatar, qoǵamdyq kólikke 122 km jolaq bólinedi. Avtobýstardyń 22 kóshedegi jyldamdyǵy aıtarlyqtaı artty.
Sonymen qatar, 2 metro stansasynyń qurylysy aıaqtalaýǵa jaqyn.
Baýyrjan Baıbek 3 jylda 42 shaqyrym jol, al bıyldyń ózinde 121 shaqyrym jol salynatyndyǵyn aıtty.
