Almatyda avtobýstardyń baǵyty ózgertildi
ALMATY. QazAqparat - Almatyda avtobýstardyń marshrýttyq qozǵalysy ózgertiledi. Bul týraly qalalyq ákimdiktiń baspasóz qyzmeti habarlady, dep habarlaıdy QazAqparat tilshisi.
«Aldyn ala derek boıynsha 15 naýryzdan bastap, №66, 98 marshrýttardyń qozǵalysy ózgertiledi. Olar endi Sátbaev kóshesinen Áýezov kóshesine deıin júrip, qalalyq №12 aýrýhanaǵa toqtaıtyn bolady. №95, 18, 121 marshrýttaryna qalalyq aýrýhanadaǵy aıaldamany alyp tastady», dedi ákimdikte.
Esterińizge sala keteıik, 6 naýryzdan bastap,«Medeýge» deıin baratyn №12 marshrýtynyń júrý kestesi aýysty.
Endi onyń qozǵalysy «Medeý» sport kesheninen bastalyp, Dostyq dańǵyly boıynan Abaı dańǵylyna burylyp, ary qaraı Abylaı han dańǵylyna ótip, «Almaty-2» temirjol beketine jetetin bolady.
Sondaı-aq, buǵan deıin Almaty qoǵamdyq kólik parki gazben júretin jańa avtobýstarmen tolyqqany jaıly aıtylǵan bolatyn.
Qaladaǵy epıdemıologııalyq jaǵdaıdyń nasharlaýyna baılanysty aldaǵy demalys kúnderi, ıaǵnı, 13 jáne 14 naýryzda, qoǵamdyq kólikter men metropolıtenniń jumysy ýaqytsha toqtatylady.
