Almatyda avtobýstar soqtyǵysty: 18 jolaýshy dərigerdiń kómegine júgingen
ALMATY.QazAqparat - Almatyda Avtobýstar soqtyǵysyp 18 jolaýshy dəriger kómegine júgingen, dep habarlaıdy QazAqparat tilshisi qalalyq densaýlyq saqtaý basqarmasy baspasóz qyzmetine silteme jasap.
«22 shilde kúni saǵat 09.58-de jedel jərdem stansasy pýltine kólik apaty týraly habar tústi. Oqıǵa ornyna 10 qyzmetker shyqty. Saǵat 10.06-de jedel jərdem toby apat ornyna jetti. Qala klınıkasyna 18 zardap shegýshi jetkizildi. Olardyń ərqaısysy túrli jaraqat alǵan. Olarǵa tekserý jasalyp, qajetti medıtsınalyq kómek kórsetildi»,- dedi basqarmanyń baspasóz qyzmeti.
Jaralanǵandardyń 4-ýi aýrýhanaǵa jatqyzyldy.
Alǵashqy medıtsınıalyq kómekke júgingender arasynda 3 bala bar. Ata-analary aýrýhanaǵa jatqyzýdan bas tartqandyqtan olar jergilikti dərigerdiń ambýlatorlyq qadaǵalaýyna tapsyryldy.
Eske sala ketsek, osyǵan deıin Almatyda eki avtobýstyń betpe-bet soqtyǵysqandyǵy týraly habarlaǵan bolatyn.
