Almatyda avtobýstar soǵylyp, 9 adam zardap shekti
ALMATY. QazAqparat – Almatyda №34, 32 avtobýstar soǵylyp, 9 adam zardap shekti, dep habarlaıdy QazAqparat tilshisi.
Jol apatynan keıingi kórinis áleýmettik jelide jarııalandy.
Oqys oqıǵa Súleımenov kóshesiniń boıynda tańǵy 10:00-de bolǵan.
«36 jastaǵy №32 marshrýt júrgizýshisi Súleımenov kóshesimen kele jatyp, №34 avtobýsqa soǵylǵan. Jol apatynan eki avtobýstan 9 adam, onyń ishinde 2 bala jaraqat alǵan. Olar qaladaǵy aýrýhanalarǵa jetkizildi», - dedi Almaty PD baspasóz qyzmetinen.
Polıtsııa sot-medıtsınalyq saraptama taǵaıyndady.
Qalalyq Qoǵamdyq densaýlyq basqarmasynyń baspasóz qyzmetinen habarlaǵandaı, jaraqat alǵan 2 bala basynyń jumsaq tinderi soqqy alǵan degen dıagnozben ambýlatorııalyq emdeýge jiberildi.
