Almatyda avtobýstar 89 ret apatqa ushyrady
ALMATY. QazAqparat - Almatyda qoǵamdyq kólikterdiń jol-kólik oqıǵasy ushyraýy jıilep ketti. Jyl basynan beri avtobýstardyń qatysýymen 89 kólik apaty boldy. Saldarynan tórt adam qaza tapty, dep habarlaıdy QazAqparat tilshisi.
«Bıylǵy jyldyń úsh aıynda megapolıste 89 jol-kólik apaty boldy. Saldarynan 4 adam qaza taýyp, 105 adam túrli dene jaraqatyn aldy», - dep habarlady qalalyq polıtsııa departamentiniń baspasóz qyzmeti.
Almaty qalalyq polıtsııa departamentiniń resmı aqparatyna sáıkes, 2021 jyly qoǵamdyq kólik júrgizýshileriniń kinásinen 264 jol-kólik oqıǵasy oryn alyp, sonyń saldarynan 9 adam qaza taýyp, taǵy 344 adam jaraqat alǵan. Sondaı-aq jyl basynan beri qala joldarynda mopedterdiń qatysýymen 62 jol-kólik oqıǵasy tirkeldi. 72 adam zardap shekti. Jol qozǵalysy erejelerin buzǵany úshin moped tizgindegen 38 adam ákimshilik jaýapqa tartyldy.
Aıta keteıik, D sanatyndaǵy júrgizýshi kýáligi 25 jasqa tolǵan jáne keminde 5 jyl, onyń ishinde D1 sanaty boıynsha kólik júrgizý ótili 3 jyldan kem emes adamdarǵa beriledi. Almaty qalalyq ІІD kólik júrgizýshilerine jol erejesin saqtap, jyldamdyqty shekten tys asyrmaýdy eske saldy.
