Almatyda avtobýsta eldiń qaltasyna túsip júrgen eki ury ustaldy (FOTO)
ALMATY. QazAqparat - Almatyda avtobýsta eldiń qaltasyna túsip júrgen eki ury ustaldy. Buǵan deıin qalalyq polıtseıler azamattyq kıim kıip, avtobýstaǵy urylardy ustaýǵa shyǵatynyn habarlaǵan bolatynbyz.
Ustalǵan eki adam jymysqy oılaryn Sefýllın-Sholohov kósheleriniń qıylysynda júzege asyrǵan.
«Olardyń biri urlyq jasaǵanyn moıyndady. Túrksib aýdandyq ІІB-de tintý barysynda olardan uıaly telefon tabyldy. Ekinshisi uıaly telefondy bireýden satyp alǵanyn aıtyp at-tonyn ala qashty. Qazir ekeýi de aýdandyq ІІB jetkizildi», - dedi ІІD ókili Andreı Streltsov.
Qalalyq ІІD azamattarǵa qoǵamdyq oryndarda óz múlkine óte muqııat bolýdy eskertedi.
