Almatyda avtobýs júrgizýshisine pyshaq ala júgirgen kúdikti ustaldy
ALMATY. QazAparat- Almaty polıtsııasy avtobýs júrgizýshisine pyshaqpen shabýyl jasaǵan kúdiktini ustady, dep habarlaıdy QazAqparat tilshisi.
Almaty qalalyq Polıtsııa departamenti, qoǵamdyq kólik júrgizýshisimen janjaldasyp qalǵan VAZ kóliginiń júrgizýshisi ustalǵanyn málim etti. Ol - 2004 jyly týǵan, J. esimdi azamat. Jambyl oblysynyń turǵyny.
Atalǵan derek sotqa deıingi tergep-tekserýdiń biryńǵaı tizilimine QR Qylmystyq kodeksiniń 293-baby - buzaqylyq boıynsha tirkeldi.
«Qylmystyq is boıynsha óndiristi Jetisý aýdandyq polıtsııa basqarmasy júrgizip jatyr. QR QPK-niń 201-babyna sáıkes tergeý múddesine oraı ózge málimetter jarııa etýge jatpaıdy»,-dep habarlady qalalyq Polıtsııa departamentiniń baspasóz qyzmetinen.
Eske salaıyq, 21 sáýir keshki saǵat 19:30 shamasynda Raıymbek dańǵyly men Tóretaı kóshesiniń qıylysynda avtobýs júrgizýshisi men «Jıgýlı» kóliginiń júrgizýshisi arasynda janjal týyndady.
Polıtsııa ókilderiniń aıtýynsha, olar jolǵa talasqan.
Oqıǵa kýágerleriniń sózinshe, №50 avtobýs júrgizýshisine jeńil kólikte otyrǵan bir top jigit pyshaqpen shabýyl jasaǵan.
