Almatyda avtobýs júrgizýshisine pyshaq ala júgirgen bir top jigit izdestirilip jatyr
ALMATY. QazAqparat -Almatyda bir top jigit avtobýs júrgizýshisine shabýyl jasady. Onyń vıdeosy áleýmettik jelide tarady, dep habarlaıdy QazAqparat tilshisi.
Oqıǵa kýágerleriniń aıtýynsha, №50 avtobýs júrgizýshisine jeńil kólikte otyrǵan bir top jigit pyshaqpen shabýyl jasaǵan.
Onyń vıdeosy áleýmettik jelide tarady.
Almaty qalalyq polıtsııa departamentiniń málimetinshe, 21 sáýir keshki saǵat 19:30 shamasynda 102 pýltine Raıymbek dańǵyly men Tóretaı kóshesiniń qıylysynda avtobýs júrgizýshisi men «Jıgýlı» kóliginiń júrgizýshisi arasynda janjal týyndaǵany týraly habar túsken.
Olardyń jolǵa talasqany belgili boldy.
«Atalǵan derek sotqa deıingi tergeýdiń biryńǵaı tizilimine QR QK 293-baby (buzaqylyq) boıynsha tirkeldi. Jeńil kólik júrgizýshisiniń kim ekeni anyqtaldy. Ony ustaý sharalary júrgizilip jatyr», - dep habarlady vedomstvodan.
