Almatyda avtobýs júrgizýshileri jumysqa shyǵýdan bas tartty
ALMATY. QazAqparat - Almatyda 3 baǵdar boıynsha jolaýshylar tasymaldaıtyn qoǵamdyq kólik júrgizýshileri búgin tańerteń jumysqa shyǵýdan bas tartty.
Bul týraly QazAqparat tilshisine kommýnaldyq avtopark dıspetcheri málim etti.
«Búgin 30-shy baǵdardaǵy avtobýs júrgizýshileri jumysqa shyǵýdan bas tartty. Sebebin áli bilmeımiz, júrgizýshilerdiń nege kóńili tolmaı otyrǵanyn bile alǵanymyz joq», - dep habarlady avtoparkten.
Avtopark ókiliniń aıtýynsha, júrgizýshiler ereýilge shyqpaǵan, tek jumysyn atqarýdan bas tartyp otyr. Qazirgi ýaqytta 30-baǵdar ǵana emes, №32, №121-baǵdarlardyń júrgizýshileri de jumysqa shyqpaı otyr.
