Almatyda avtobýs júrgizýshileri termınaldy óshirip, jolaýshylardan qolma-qol tólem alǵan
ALMATY. QazAqparat - Almaty bıligi jolaqysy elektrondy túrde tólenetin termınaldardy óshirip tastaıtyn tasymaldaýshylardy marshrýttan alyp tastamaq, dep habarlaıdy QazAqparat tilshisi qalalyq ákimdiktiń baspasóz qyzmetine silteme jasap.
Sońǵy ýaqytta «AvtoTransGaz» JShS qyzmet kórsetetin №16 baǵyttaǵy avtobýstarda termınaldardyń óship qalatynyna shaǵymdanýshylar kóbeıgen.
«Kólik holdıngi» qyzmetkerleri júrgizgen tekserý barysynda atalǵan baǵyt júrgizýshileri termınaldardy óz betterinshe óshirip tastap, jolaýshylardan qolma-qol aqsha alyp otyrǵan, al «OŃAI» servıs ortalyǵyna termınaldardyń buzylǵandyǵy jóninde eshqandaı aryz túspegen.
Kólik holdıngi bul olqylyq týraly «AvtoTransGaz» JShS basshysy Baýyrjan Kýlıshevke eskertti.
«Eger tártip buzýshylyq taǵy da qaıtalanatyn bolsa Almaty qalasynyń Mobıldilik basqarmasy baǵyt boıynsha qyzmet kórsetý kelisimin buzýǵa deıin tıisti shara qoldanatyn bolady»,-delingen habarlamada.
