Almatyda avtobýs júrgizýshileri salonda jaǵa jyrtysty
ALMATY. QazAqparat - Almatyda №48 jáne №16 avtobýs júrgizýshileri eregisip qaldy, dep habarlaıdy.
Tóbelestiń vıdeosy eap_kz pablıginde jarııalanǵan.
Jolaýshylardyń aıtýynsha, eki kólik Tóle bı kóshesimen shyǵysqa qaraı jarysyp kele jatqan.
«Jol boıynda avtobýstardyń júrgizýshileri ursysyp kele jatty. Jumalıev kóshesindegi aıaldamaǵa kelgende qatty aıǵaılasty, jaman sóz aıtty. Sosyn Baıtursynov kóshesine kelgende №48 avtobýstan júrgizýshi men kondýktor túse ketip, №16 avtobýstyń salonyna kirdi. Tóbeles bastalyp ketti», - dedi jolaýshy Ásel Dúısenbaeva.
Onyń aıtýynsha, jolaýshylar júrgizýshini 10 mınýt kútýge májbúr boldy.
Atalǵan jaıtty «Green Bus Almaty» dırektory Baýyrjan Kýlıshev baqylaýǵa aldy.
Oqıǵanyń mán-jaıy tekserýden keıin belgili bolady.
