Almatyda avtobýs júrgizýge ruqsaty joq adamdar qoǵamdyq kólikti tizgindep kelgen
ALMATY. QazAqparat - Almatyda qoǵamdyq kólikti basqarýǵa quqyǵy joq júrgizýshiler ustaldy, dep habarlaıdy QazAqparat tilshisi.
Qalalyq tártip saqshylary júrgizgen reıd barysynda tıisti sanaty joq 3 avtobýs júrgizýshisi anyqtaldy.
Búginde ereje buzýshylardyń kóligi aıyp turaǵyna qoıyldy.
Polıtsııa departamentiniń málimetinshe, ruqsat etilmegen adamdardyń jolaýshy tasymaldaýyna jol bergen avtokásiporyn basshylaryna da qatań jaza qoldanylmaq.
«Almatynyń Bostandyq aýdanynda júrgizgen reıdtiń bir saǵatqa jetpes ýaqytynda tıisti sanaty joq, tıisinshe, qoǵamdyq kólikti basqarý quqyǵy joq úsh avtobýs júrgizýshisi anyqtaldy. Júrgizýshiler ÁQbK-niń 612-baby 2-bóligi boıynsha jaýapqa tartyldy. Olardyń qoǵamdyq kólikteri aıyppul turaǵyna qoıyldy. Ruqsat etilmegen adamdardyń jolaýshy tasymaldaýyna jol bergen avtokásiporyn basshylaryna qatysty da ákimshilik sharalar qoldanyldy»,- dedi Almaty qalalyq PD Ákimshilik polıtsııa basqarmasynyń bastyǵy Nurlan Amanbek.
Sharanyń basty maqsaty – jol qozǵalysyna qatysýshylardyń joldaǵy tártibi men qaýipsizdigin qamtamasyz etý, jol qozǵalysy erejelerin buzý faktileriniń jolyn kesý, jol qozǵalysy erejeleriniń talaptaryn oryndamaıtyn júrgizýshilerdi anyqtaý.
