Almatyda avtobýs júk kóligimen soqtyǵysyp, bir adam mert boldy
ALMATY. QazAqparat - Almatyda jolaýshylar avtobýsy men júk kóligi soqtyǵysyp, GAZel júrgizýshisi mert boldy, dep habarlaıdy QazAqparat.
«Keshe keshkisin, 12 qańtarda Janqoja batyr jáne Syrym batyr kósheleriniń qıylysynda jol-kólik oqıǵasy boldy. N 115 jolaýshylar avtobýsy GAZel markaly júk kóligimen soqtyǵysty», - dep habarlady «Almatyelektrotrans» kompanııasynyń baspasóz qyzmeti.
Kýágerlerdiń aıtýynsha, avtobýs soltústik baǵytta kele jatqanda úshinshi avtomobıl burylmaqshy bolyp, onyń jolyn kesedi.
«Avtobýs júrgizýshisi onymen soqtyǵysýdyń aldyn alamyn dep, qarsy qozǵalystaǵy jolaqqa shyǵyp ketedi jáne GAZelmen soqtyǵysady», - dedi tasymaldaýshynyń baspasóz qyzmeti.
Jol-kólik oqıǵasy saldarynan júk kóliginiń júrgizýshisi zardap shekken. Oqıǵa ornyna jedel járdem men jol-patrýldik polıtsııa qyzmetkerleri shaqyryldy. Keıin zardap shegýshiniń kóz jumǵany belgili boldy.
Qazirgi tańda osy fakti boıynsha tergeý júrip jatyr.
