Almatyda avtobýs jolaýshysynyń jaraqat alǵanyna qatysty ákimdik túsinik berdi
ALMATY. QazAqparat - Almatyda avtobýs jolaýshysynyń jaraqat alǵanyna qatysty ákimdik túsinik berdi, dep habarlaıdy QazAqparat tilshisi.
Halıýlın kóshesimen batysqa bet alyp kele jatqan avtobýs aryq toryn basyp ótken. Sol sátte aryq tory kóterilip ketip, avtobýs edenin jaryp shyqqan. Sonyń saldarynan 29 jastaǵy áıeldiń aıaǵy synyp ketken.
Qalalyq mobıldilik basqarmasynyń habarlaýynsha, jaýyn sýy aǵatyn torlar men ınjenerlik jelilerdiń lıýkteriniń sapasy aýdandyq ákimdikterdiń quzyrynda.
"Qosymsha aryq qaqpaqtarynyń tehnıkalyq standarttarǵa saı ekendigin anyqtaý úshin arnaıy saraptama taǵaıyndalady. Dál qazir bul apattyń sebebin dóp basyp aıtý múmkin emes. Oqys oqıǵaǵa baılanysty aýdandyq ákimdikterdiń kólik basqarmalarynan jumys toby qurylady", - dedi qalalyq mobıldilik basqarmasynan.
Aıta ketý kerek, oqys oqıǵa búgin Halıýlın kóshesinde №65 marshrýtta bolǵan.
Japa shekken áıel Almaty oblystyq kópsalaly aýrýhanasynyń travmatologııa bólimshesine jatqyzyldy.
