Almatyda avtobýs jolaýshyny qaǵyp ketti
ALMATY. QazAqparat - Almatyda Rysqulov pen Momyshuly kóshesiniń qıylysynda joldy kesip ótpek bolǵan jolaýshyny avtobýs qaǵyp ketti, dep habarlaıdy QazAqparat tilshisi oqıǵa ornynan.
Er adam tyıym salynǵan jerden júgirip ótpek bolǵan.
Gazel men №45 avtobýs Momyshuly kóshesine qatar burylǵan.
Gazeldiń arǵy jaǵynan júgirip shyqqan adamdy avtobýs júrgizýshisi baıqamaı qalǵan. Tejegishti basyp úlgermegen júrgizýshi jolaýshyny qaǵyp ketedi. Saldarynan jolaýshy qulap, bordıýrge basyn jaryp alǵan.
Jol apaty kezinde avtobýs ishinde eshkim bolmaǵan.
32 jastaǵy er adam kókirek tusynan soqqy alyp, mıy shaıqalǵan.
Er adam №7 aýrýhanaǵa jatqyzyldy.
