Almatyda avtobýs jolaýshylary kúıip qaldy
NUR-SULTAN. QazAqparat – Almaty qalasynda jolaýshylar avtobýsynyń antıfrız qubyry jarylyp, ishtegi jolaýshylarǵa shashyraǵan, dep habarlaıdy QazAqparat tilshisi.
Almaty qalalyq qoǵamdyq densaýlyq basqarmasy áleýmettik jelide taraǵan vıdeonyń shynymen de atalmysh qalada bolǵanyn rastady.
«Bir naýqas № 4 qalalyq klınıkalyq aýrýhanaǵa jatqyzyldy. Zardap shegýshiniń denesiniń 3 paıyzyn kúıik shalǵan. Oǵan dárigerler tarapynan alǵashqy kómek kórsetilip, usynystar berildi. Ári qaraı onyń jaǵdaıyn turǵylyqty jeri boıynsha tıisti emhana baqylaıdy. Ekinshi naýqas aýrýhanaǵa jatýdan bas tartty», - dep málim etti basqarmadaǵylar.
Aqaý shyqqan avtobýs «Almatyelektrotrans» tasymaldaýshy kompanııasyne tıesili bolyp shyqty.
«Keshe, tańǵy saǵat 10.00-de №201 marshrýttaǵy avtobýstyń qozǵaltqyshy qyzyp, baılanysty salqyndatqysh júıe buzyldy. Qazir atalǵan fakti boıynsha qyzmettik tergeý júrip jatyr. Avtobýs servıstik qyzmetke kóshirildi», - dep jazylǵan kompanııanyń túsindimesinde
