Almatyda avtobýs jolaǵynda 32 myń jol erejesin buzý deregi tirkeldi
ALMATY. QazAqparat - Almatyda jyl basynan beri avtobýstarǵa arnalǵan arnaıy jolaqtarda 32 myń jol erejesin buzý deregi tirkeldi, dep habarlaıdy QazAqparat tilshisi.
Qalalyq ІІD baspasóz qyzmeti taratqan aqparatqa sáıkes, kóbinese Raıymbek dańǵylyndaǵy avtobýs jolaǵynde jol erejesin buzýshylar kóp bolǵan. Munda jyl basynan beri 5 564 derek, ótken táýlikte - 61 derek tirkelgen.
«Odan keıingi kezekte Tóle bı dańǵyly tur. Munda jyl basynan beri - 8 140, táýligine 48 derek tirklegen. Odan keıingi kezekte Naýryzbaı batyr kóshesi (6391, 26) Jeltoqsan kóshesi (5230, 23) Abaı kóshesi (4056, 65) tur. Bul júrgizýshilerdiń tártibimen áli de jumys jasaý kerektigin kórsetedi», - dedi qalalyq ІІD jergilikti polıtsııa qyzmetiniń basshysy Jasulan Baıkenov.
Jergilikti polıtsııa qyzmetinde sondaı-aq, jalǵan nómirmen júrýdiń 119 deregi, terezelerdi kólegeıleýdiń 103 deregi, uıaly telefonmen sóılesýdiń 561 deregi, qaýipsizdik beldigin taqpaýdyń 651 deregi, turaq erejesin buzýdyń 886 deregi, jol belgilerin buzýdyń 1 123 deregi tirkelgen.
