Almatyda avtobýs tejegishi istemeı qaldy: 7 adam aýrýhanaǵa tústi
ALMATY. QazAqparat - Almatyda №15 marshrýt avtobýsy apatqa ushyrap, 7 adam zardap shekti, dep habarlaıdy QazAqparat tilshisi.
Júrgizýshiniń aıtýynsha, jaqynda ǵana marshrýtqa shyqqan jańa avtobýstyń tejegishi istemeı qalǵan.
Shalıapın kóshesimen batysqa baǵyt alǵan avtobýstyń júrgizýshisi tejegishtiń istemeı qalǵanyn ańǵaryp, kósheniń shetimen júrmekke árekettengen.
Alaıda, jyldamdyqty azaıtý múmkin bolmaǵandyqtan, avtobýs jol boıyndaǵy aýla sypyrýshyny qaǵyp ketip, jol shetindegi beton qorshaýǵa soǵyldy.
Jol apatynan 6 jolaýshy, 1 aýla sypyrýshy zardap shekti.
Qazir 7 adam da aýrýhanaǵa jetkizildi. Qalalyq polıtsııa apat sebebin anyqtap jatyr.
