Almatyda avtobýs pen jeńil kólik soqtyǵysyp, 8 adam zardap shekti
ALMATY. QazAqparat - Almatyda avtobýs pen jeńil kólik soqtyǵysyp qaldy, dep habarlaıdy QazAqparat tilshisi.
Almaty polıtsııasynyń habarlaýynsha, jol-kólik oqıǵasy 26 jeltoqsan kúni «Alataý-1» bazary mańynda bolǵan. 44 jastaǵy «Mercedes – Benz» júrgizýshisi soltústik baǵytynda kele jatyp qoǵamdyq kólikke soqtyǵysqan.
«Júrgizýshi manevr jasaý erejelerin durys saqtamaı, ońǵa qaraı burylyp № 27 avtobýspen soqtyǵysty. Saldarynan «Hyundai» markaly qoǵamdyq kólik jaryq baǵanasyna soǵylyp, aryqqa túsip ketti»,- dedi Almaty qalalyq PD baspasóz qyzmeti.
Apat saldarynan avtobýstyń 8 jolaýshysy túrli dene jaraqattaryn aldy. Olar jedel-járdem kóligimen jaqyn mańdaǵy aýrýhanaǵa jetkizildi.
