Almatyda avtobýs pen jeńil kólik soqtyǵysty
ALMATY. QazAqparat – Almatyda avtobýs pen jeńil kólik soqtyǵysty, dep habarlaıdy QazAqparat tilshisi.
Qalalyq Polıtsııa departamentiniń baspasóz qyzmetinen málim etkendeı, jol-kólik oqıǵasy búgin saǵat 15:00 shamasynda Abaı dańǵylynda boldy.
«Avtobýs Abaı dańǵylynyń boıymen batys baǵytta qozǵalyp kele jatyp, sol jaq jolaqqa qaraı aýysar kezde sol baǵytta kele jatqan BMW kóligimen soqtyǵysqan. Qurbandar men zardap shekkender joq. Eki kólikke de mehanıkalyq zaqym keldi.
Bul faktini Almaly aýdandyq ishki ister basqarmasynyń qyzmetkerleri tekserip jatyr», - dedi Almaty qalalyq Polıtsııa departamenti Anyqtaý basqarmasynyń bastyǵy Oljas Sháripov.
Eske salaıyq, búgin Almatyda Tóle bı - Abylaı han kósheleriniń qıylysynda eki avtobýs soqtyǵysty.
Alǵashynda polıtseıler 1 adamnyń kóz jumyp, 15 adamnyń zardap shekkeni týraly málimdegen bolatyn. Keıin jaraqat alǵandar sany 17-ge artty. Sońǵy málimet boıynsha, medıtsınalyq kómekke 21 adam júgingen, onyń 9-y aýrýhanaǵa jatqyzyldy.
Polıtsııa departamenti QR Qylmystyq kodeksiniń 345-baby 3-bóligine sáıkes tergep-tekserý amaldaryn bastady.
