Almatyda avtobýs pen jeńil avtokólik soqtyǵysty
ALMATY. QazAqparat - Almatyda avtobýs pen jeńil avtokólik soqtyǵysty. Oqıǵa saldarynan jeńil avtokólik júrgizýshisi aýrýhanaǵa tústi, dep habarlaıdy QazAqparat tilshisi.
Qalalyq polıtsııa departamentinen málim etkendeı, búgin tańǵy saǵat 06.20-da Jumabaev pen Jansúgirov kósheleriniń qıylysynda jol kólik oqıǵasy oryn aldy.
«Jumabaev kóshesimen batys baǵytta kele jatqan «YUTONG» markaly avtobýs Jansúgirov kóshesi boıymen soltústik baǵytta kele jatqan «Nissan» markaly avtokólikpen soqtyǵysty. Nátıjesinde jeńil avtokóliktiń júrgizýshisi №7 qalalyq klınıkalyq aýrýhanaǵa jetkizildi. Materıal Túrksib aýdandyq polıtsııa basqarmasynyń qyzmetkerlerimen óndiriske qabyldady», - dedi Almaty qalalyq PD Anyqtaý basqarmasynyń bastyǵy polıtsııa podpolkovnıgi Oljas Sháripov.
