Almatyda avtobýs pen trolleıbýs soqtyǵysty, zardap shekkender bar
ALMATY. QazAqparat - Almatyda avtobýs pen trolleıbýs soqtyǵysty, zardap shekkender bar, bar dep habarlaıdy QazAqparat tilshisi.
Apattyń vıdeosy áleýmettik jelide tarady.
Almaty qalalyq polıtsııa departamentiniń málimetinshe, jol apaty búgin saǵat 12:30 shamasynda bolǵan.
Yutong markaly avtobýsynyń júrgizýshi K. esimdi azamat Abaı dańǵylymen avtobýs jolaǵymen shyǵysqa qaraı júrip bara jatyp, solǵa qaraı burylǵanda sol baǵytta kele jatqan Kia Cerato avtokóligimen soqtyǵysqan.
Soqqydan ary qaraı avtobýs ınertsııamen toqtap turǵan Yong Man trolleıbýsyna soǵyldy.
Jol apatynan trolleıbýstyń eki jolaýshysy jaraqat aldy.
«Olar dene jaraqatymen №7 qalalyq klınıkalyq aýrýhanaǵa jetkizildi. Materıal Bostandyq aýdandyq polıtsııa basqarmasyna jiberildi», - dedi Almaty qalalyq polıtsııa departamentiniń anyqtama basqarmasynyń bastyǵy Oljas Sháripov.
Aıta keteıik, 27 sáýir kúni Almatyda № 74 baǵyttaǵy «Lıaz» markaly avtobýsynyń júrgizýshi Bekmahanov kóshesimen batys baǵytta kele jatyp temir jol ótkelinde teplovozben soqtyǵysqan bolatyn.
