Almatyda avtobýs pen kólik soqtyǵysyp, aryqqa túsip ketti
ALMATY. QazAqparat - Almatyda jolaýshylar avtobýsy men jeńil kólik soqtyǵysyp, aryqqa túsip ketti, dep habarlaıdy QazAqparat tilshisi.
Tóle bı kóshesimen baǵyt alǵan №99 baǵdarlyq avtobýsy men Mercedes kóligi shyǵysqa qaraı kele jatqan.
Avtobýs júrgizýshisiniń aıtýynsha, ol bus line jolaǵymen kele jatqan. Sol jaǵyndaǵy Mercedes kóligi kenetten avtobýstyń aldyn qıyp, aýlaǵa burylmaq bolǵan. Sol kezde avtobýs júrgizýshisi toqtap úlgermeı jeńil kólikti soǵady. Sonyń kesirinen eki kólik te aryqqa túsip ketti. Al avtobýs aǵashqa soǵyldy.
Jol apatynan avtobýstyń jolaýshysy men kondýktory, Mercedes jolaýshysy jaraqat aldy.
Oqıǵa ornyna jetken jedel járdem qyzmetkerleri eki adamdy aýrýhanaǵa alyp ketti.
Jol apatynyń mán-jaıyn polıtsııa tekserip jatyr.
