Almatyda avtobýs pen kólik soǵylyp 3 adam jaralandy
ALMATY. QazAqparat - Almatyda avtobýs pen Hıýndaı kóligi soǵylyp, 3 adam jaralandy. Jol apaty Súıinbaı kóshesiniń boıynda Saıahattan tómen tusta bolǵan, dep habarlaıdy QazAqparat.
Jol oqıǵasy kýágerleriniń aıtýynsha, №71 avtobýs aıaldamaǵa jetpeı kilt toqtaǵan.
Artqy jaǵynda kele jatqan Hıýndaı kóligi tejegishti basýǵa úlgermeı avtobýsty bir búıirden soǵyp baryp toqtaǵan.
Jol apatynan 3 adam japa shekti.
Avtobýs júrgizýshisi men jolaýshy jedel járdem kóligimen aýrýhanaǵa jetkizildi.
Al, aýrýhanaǵa jatýdan bas tartqan kondýktor áıel keıinnen jaǵdaıy nasharlaǵan soń aýrýhanaǵa ketti.
Jol apatynyń jaı-japsaryn polıtsııa tekserip jatyr.
