Almatyda avtobýs pen KamAZ soqtyǵysyp, 7 adam aýrýhanaǵa tústi
ALMATY. QazAqparat – Almatyda avtobýs pen KamAZ soqtyǵysyp, 7 adam jaraqat aldy. Jol apaty Túrksib aýdanyna qarasty Shosseınaıa jáne Boraldaı kóshesiniń qıylysqan jerinde tańǵy 9:35-te boldy, dep habarlaıdy QazAqparat.
«FAW markaly avtobýsy Shosseınaıa kóshesimen ońtústikke baǵyt alyp kele jatyp, qosalqy kósheden basty kóshege jan-jaǵyna qaramaı shyǵyp ketken. Avtobýs júrgizýshisi jol qozǵalysy erejesin óreskel buzdy. Sonyń kesirinen ol KamAZ júk kóligimen soqtyǵysty», - dedi qalalyq Polıtsııa departamentiniń resmı ókili Saltanat Ázirbek.
Jol apatynan 7 adam japa shekti. Olardyń barlyǵy aýrýhanaǵa jetkizildi.
«Bul derekke qatysty Almaty qalalyq Polıtsııa departamentiniń tergeý basqarmasynyń mamandary QR QK 345-babynyń 1-bólimi boıynsha sotqa deıingi qylmystyq is tirkedi. Sot medıtsınalyq jáne avtotehnıkalyq saraptama taǵaıyndaldy. Jolaýshylardyń densaýlyǵyna keltirilgen zaqym baǵalanady. Sodan soń is materıaldary sotqa jiberiletin bolady», - dedi Saltanat Ázirbek.
