Almatyda avtobýs otqa orandy
ALMATY. QazAqparat - Almatyda №137 avtobýs órtendi. Oqys oqıǵa týraly qalalyq TJD-nyń baspasóz qyzmeti habarlady.
Órt sóndirý qyzmetiniń kezekshi bólimine tańerteń saǵat 9.21-de Shuǵyla shaǵyn aýdanynda Nurly jáne Sábdenov kósheleriniń qıylysynda avtobýs órtenip jatqany týraly habar kelip túsken.
Belgili bolǵandaı, №137 baǵdardaǵy avtobýstyń artqy dóńgelegi jana bastaǵan.
Órt 9:39-da aýyzdyqtalyp, 09:59-da sóndirildi. Tilsiz jaý 20 metr aýmaqty sharpydy. Órtten eshkim zardap shekken joq.
