Almatyda avtobýs órtenip ketti
ALMATY. QazAqparat - Almatyda № 38 avtobýs órtendi, dep habarlaıdy QazAqparat tilshisi.
Onyń vıdeosy áleýmettik jelide tarady.
Almaty qalalyq Tótenshe jaǵdaılar departamentiniń málimetinshe, órt sóndirý qyzmetiniń kezekshi bólimine tańerteń saǵat 8.27-de Saın-Shalıapın kósheleriniń qıylysynda avtobýs órtenip jatqany týraly habar kelip túsken.
«Jedel túrde kóbikpen órt oqpandary engizilip, avtobýs konstrýktsııalaryn salqyndatý úshin bólek órt oqpandary berildi. Qabyldanǵan sharalardyń arqasynda órt saǵat 08-47-de oqshaýlanyp, 08-50-de tolyq sóndirildi. Qurbandar men zardap shekkender joq»,- dep habarlady vedomstvodan.
Avtobýs «Almatyelektrotrans» JShS-na tıesili
