Almatyda avtobýs órtendi
ALMATY. QazAqparat – Almatynyń Medeý aýdanynda jolaýshylar avtobýsy órtendi, dep habarlaıdy QazAqparat tilshisi.
Tótenshe jaǵdaı búgin, tańǵy saǵat 08:27 shamasynda bolǵan.
Qalalyq Tótenshe jaǵdaılar departamentiniń habarlaýynsha, qoǵamdyq kólikte jolaýshylar bolmaǵan. Órt 25 sharshy metrdi sharpyǵan.
«Órt sóndirý bólimsheleri Medeý aýdany, Tóle bı kóshesi men Shyǵys aınalma avtokólik jolynyń qıylysyna jiberildi. Órt sóndirýshiler kelgen kezde «Lıaz» markaly avtobýs janyp jatty. Órt 25 sharshy metr aýmaqty sharpyǵan. Órt bastalǵan kezde salonynda jolaýshylar bolmaǵan»,- dep habarlady TJD baspasóz qyzmeti.
Órt saǵat 08:45-ta aýyzdyqtalyp, bes mınýtta tolyqtaı sóndirildi.
Zardap shekkender joq.
Órtti sóndirýge 8 maman men 2 tehnıka jumyldyryldy.
Foto: TJD baspasóz qyzmeti
