Almatyda avtobýs qyzdy qaǵyp ketti
ALMATY. QazAqparat - Almatyda qalanyń qaq ortasynda №70 avtobýs júrgizýshisi qyzdy qaǵyp ketti, dep habarlaıdy QazAqparat tilshisi.
Oqys oqıǵa búgin túske deıin bolǵan.
«№70 avtobýs júrgizýshisi Rozybakıev kóshesimen soltústikke baǵyt alyp kele jatyp, Abaı kóshesimen qıylysta jaıaý júrginshini qaǵyp ketti. Qyz baǵdarshamnyń qyzyl túsine ótip ketpek bolǵan. Júrgizýshi tejegishti basyp úlgermedi. Jedel járdem qyzmeti shaqyryldy. Aqparat anyqtalyp jatyr», - dedi «Almatyelektrotrans» JShS baspasóz qyzmetinen.
Japa shekken qyz ortalyq klınıkalyq aýrýhanaǵa jatqyzyldy.
Jaǵdaıyn dárigerler ortasha dep baǵalap otyr.
